يتبع ...
صرفنا فلووسنا للعمله الكوريه .. طبعا انا انسانه فاشله بالرياضيات وعملتهم من الالف الى المليون .
من الكويت مافي طيران مباشر لكوريا .. اخذناها على الطيران القطري ترانزيت للدوحه ومن ثم لمطار انشيون الدولي ..
مدة الرحله ١٣ ساعه من الكويت للدوحه ساعه ونص .. ترانزيت ساعتين الا ربع .. ومن الدوحه لكوريا ٩ ساعات الرحله كانت مساءا الساعه ١١ بالليل .. وصلنا لكوريا بتوقيتهم ٢ الظهر "حاشني خلل بمخي من فرق التوقيت .اول يوم \ ٦ ساعات فرق التوقيت "
صديقنا بالطياره ..يغط في نوم عميق وقلت اصوره خخخخخ
---
اول ماوصلنا لكوريا ونزلنا الطياره كنت اضحك واقول شلون يقولون بررد لايحتمل.. "للعلم ماحاشنا الهوا بعده "
وبس هبت اول نسمه هوا ..حاشني لاق لمده ١٠ ثواني بدون حركه ..
نفس عميييييييييق استشقت هواها ... ابتساااامه شقاااااقيييه واهلاااااا بشتاااء كوريااا
من انشيون لسيؤول العاصمه بالسياره ٤٥ دقيقه "مده طويله" ..ماصورت المطار لاني تعبانه وعيوني طايره وحاسته حلم ..
"باحد حلقات خواطر يتكلم عن مطار كوريا بشكل مفصل "
دريولنا
انشيون تقريبا من الصور منطقه مو سياحيه بكثره ..غالبا مصانع وجبال وطبيعه وبحر بس ..
الفندق كان بانسادونق فندق frares insadong 4 star نظام شقه .. متكامل وسعر جميل
تعرفون هالتلفون ؟ دايما بدراماتهم خخخ المهم على ان بدائي بس كنت حابته حيل ..هذا ارخص نوع ماكنا محتاجين غير نتواصل مع بعض ..لان مانقدر نشتري شريحه نظام التلفونات بكوريا برمجه مو شريحه ..
وكنا نقدر نكتفي بالانترنت لان بكوريا الانترنت موجود بكل مكان تقريبا بنسبه ٩٠٪ انا بكل حزه اشبك خخ
اول ماوصلنا الفندق نزلنا تحت نشوف المكان .. وماركه اتيود هاوس غنيه عن التعريف ..موجوده وبكثره بكوريا بكل شارع بلا مبالغه !
فراولتهم ..قلنا نتونس فيها بالليل ..
فجر اول يوم استقبلنا الثلج ... اول مره اشوف ثلج كان احساس صعب اوصفه ..اللي يحب الشتا راح تكون لحظه لاتنسى ..
ريوق سريع من البلكونه والثلج برا كانت لحظه لاتنسى
المنظر تحت الفندق ..انسادونق منطقه تراثيه بكوريا ونوعيه الاسواق فيها تراثيه وشعبيه .. وهاديه جدا واكثر سياحها من كبار السن وحتى البائعين ..
من الفندق كنا نقدر نشوف نامسان تاور احد اهم معالم سيؤول
وبما ان اهم معالم سيؤول نامسان تاور ولايخلو منه اي دراما او رحله .. قررنا نروحله باول يوم
طريقتين للصعود لاعلى الجبل : ١- الكيبل كار ٢- صعود الجبل علي الاقدام
طبعا من الصور بتعرفون اختيارنا
اللي وده يجرب الصعود او الكيبل كار يقدر يستخدم الاثنين
التذكره قسمين صعود ونزول وفي بس صعود وتنزل سير ع الاقدام ..
انا اشوف التذاكر وتعدد الخيارات فيها ميزه بكوريا جميله جدا ^ـ^
وهني للناس اللي اصعدوه مشي ..
كان في عرض قتال تاريخي
رومانسيه لايعلى عليها بكوريا :$
هذا القفل حق بنت اخوي خخخ كتبته من الكويت وطلبت مني احطه لها ^ـ^
عدد الاقفل كانت شي خيالي ..اعتقد تعدت الملايين .. وسمعت ان من كثر العدد ولان قفل يتعلق على قفل كل عدد من السنوات .. يتم تغيير السور لان يبدا يميل واحتمال يطيح ..
وقت الغداء مطعم ايطالي ببرج نامسان واطلاله جميله كانت على سيؤول
كان في سوق ..اي مكان بكوريا دايما في مكان للتذكارات
وهذي الالعاب اللي يطبعون عليها
صعدنا لاعلى البرج نامسان وقبل الصعود كان في متحف للدببه
هالمتحف مميز بعرض الحياه الكوريه التاريخيه عن طريق الدببه ..
ومو مجرد تماثيل ثابته ..تتحرك وتسوي مشهد كامل عن طريق سنسر بمجرد اقتراب اي زائر يبدون يتحركون
وفي اعلى البرج نظره اكبر على سيؤول واوضح مع اسماء الدول وكم تبعد من هالمكان ..صورت السعوديه الرياض ^ـ^
فكره حلوه ترسل رساله لاي شخص من اعلى البرج .. love in the air
وهالكتابات فيه مناطق المعروفه بكوريا ومعلومات عنها..
دايما بالتلفزيون الكوري يمدحون القهوه هذي .. ويتلذذون فيها خاصه في الشتاء لانها تدفي
فقررت اجربها وكانت تستحق الكلام اللي انقال عنها ..لذيذه ورخيصه وممتع شربها مع الاجواء البارده جدا بالرغم من انها رخيصه
رحلتنا الثانيه كانت "لوتي وورلد"
من كبرها كان في خريطه وبعد يوزعون خريطه صغيره .. وتنقسم لمدينه العاب داخليه وخارجيه والدور الاخير تزلج ..
دخت لدرجه ان ماصورت فيها بما يكفي ومالعبت .. كان فيها متاهات وقسم خاص لشخصيه برورو
بكوريا في ميزه جميله جدا جدا ..
التذاكر متنوعه في تذكره شامله ..
وفي تذكره عاديه لالعاب عاديه ..
وفي تذكره لنصف يوم !! يعني الواحد اذا طقت براسه يروح متاخر مايتحسف يدفع مبلغ ليوم كامل وهو بس بيقعد فيها ساعتين !
الدور الارضي كله تزلج ..ووايد يصورون فيه دراما ^ـ^
القسم الخارجي
هذا الشي نفس طعم الدونت بس بالطول تقريبا ..لذيذ
احم منو بيقرا حظه خخخخخ .. انا بالغلط مريت يمها خزتني واشرتلي اروح بعيد "كانها تقولي لاتفكرين تجربين عندي " بصراحه مادري ليش !ـ! مرعبه !
زفه كوريه ^ـ^
مبنى ٦٣ طابق
ممتع الصعود فيه ^ـ^ واطلاله على نهر الهاان
هذي المباني اللي تكلم عنها الاستاذ احمد بخواطر ١٠ ..
وصكنا الجوع واكلنا بمطعم صيني باعلى المبنى ..مادري بالضبط شنو اكلنا خخخ كان الاختيار صعب
متحف الشمع بنفس المبنى ..
والاكواريوم
المبنى حلو لان اقسامه وايد فيه سوق ومتاحف وترفيه للاطفال ومطاعم .. يعني رحله كامله ..
هذا قبل الافتتاح .. مبنى الاس ام الجديد بمنطقه قانقنام وانا امشي شفته حسافه مافتتحوه خخخ
كوفي بيني بمنطقه قانقنام ..مشهور بكوريا ومتواجد بكثره وافتتحوا له فرع بالسعوديه ..واعتقد الامارات مو متاكده ..
لكنه اشهر من نار على علم لكل الكيبوبرز ومحبين كوريا ^^
معرض الخدع tricky
اوري دونسينق خخخ ماعندي صور للمتحف الا حقه
احد شوارع قانقنام هاديه نظيفه جدااا وجميله
صدتهم يصورون صور عرسهم ^ـ^
احد محلات الكيبوب ..
احم احم خخخخ توبي ام تور
منطقه ميونق دونق من اكثر المناطق المزدحمه بكل وقت
ستار افنيو بمجمع كويكس مول .. ^ـ^ معرض للفنانين
رسائل من الفان ^ـ^
كان في غرفه دبلجه للصوت على بعض من الدراما ويعطونا السي دي بعدها خخخ طبعا استعبطنا وسجلنا حوار عبيط جدا بس للاسف اخوي مسحه !ـــ!
كان في اختبار للفانز بعد مايختارون فرقتهم واذا جاوبو الاساله يعطون شهاده ^ـ^ اخترت توبي ام وطلعت خوش فان هيهيهي
طبعا الدخول كان بتذكره ..في حال ان ماعندنا كوبون مشتريات ..
من المجمع نفسه
------
اويو الحليب الكوري .. كي دي دي الكوري تعددت الاسامي بس الطعم واحد
احب اشتري الاوست للمسلسلات يهمني اوست المسلسل احيانا اكثر من القصه ^ـ^
رحلتنا للايفرلاند احد اكبر الاماكن الترفيهيه بكوريا واسيا .. لاتقل عن ديزني لاند..يقولون انها كانت مشروع ديزني ..لكن كان في شروط لعدد الزوار وغيرها وكان شعب كوريا مشكك ان يستوفي شروطهم ..سووها مدينه العاب ثانيه ونجحت نجاح ساحق وصارت من اكبر الاماكن الترفيهيه ^ـ^
في مدينه مائيه دايما يسوون عليها دعايات الايدول ..
بس طبعا بالشتا مغلقه فماصورتها :)
لعبه قطار السرعه مصنوع من الخشب بطريقه هندسيه .. مرعب وكبير وواضح حجمه من الصوره اللي فوق ^ـ^
تزلج بطريقه البطاريق خخخخخ
المكان كبير وفيه اماكن وايد ..والتنقل متعب وتتعدد الوسائل
كافيه القطط .. بكوريا تتنوع الكافيهات والافكار
في قوانين للتعامل معاهم خخخخخ
المكان ممتع هادي في ناس تروح تدرس هناك وناس تقرا ..
المحاسب نايم خخخخخ
قصر من القصور القديمه طلع بمسلسل rooftop prince وصار معلم مهم ومتحف
تسوق بالانسادونق
تواقيع
تصميم التوقيع بكوريا اغلبهم يستخدمون هذا الشي للتوقيع على معاملاتهم وطبعا تختلف الانواع والجوده والاسعار
صار ادمان عندي خخخخخ
احد البائعات بالانسادونق شافت لغتي الكوريه بسيطه وبدائيه واني لازلت اتعلم ..عطتني هالكتاب كمساعده وتشجيع منها ونصحتني بالقراءه ..شعب جميل (H)
طلبت نجرب مطعم كوري مع ان اخوي مو من محبين الاكل الكوري
المقبلات
البيبيمباب نوعين بارد وحار ..ماعرفت اطلب الحار !ـ! اخذنا بارد
بصراحه ماكلينا ماعرفت اطلب لان مو نفس المينيو اللي اعرفه بالكويت ..
لكن متاكده مستقبلا راح اعرف اختار صح مهم تعرفون الاسماء اذا بتجربون مطعم كوري
اكواريوم مجمع كويكس
مكان للتعليقات
تقريبا بكل مكان تقدرون تعلقون وفيه لوحه لهالشي ..بالذات بمجمع كويكس
لان مااكلنا اكلنا الكوري رحنا مطعم فاست فود
من الفندق
الممر المائي معروف بالدراما cheonggycheon stream
السياح والكوريين يحبون يقعدون بهالمكان ويتمشون فيه خاصه بالليل مع الاضاءه وصوت الماي ..
طبعا الماي مثلج لان شتاء
الذ سباجيتي خخخخ
زرنا متحف الكيمتشي ..بما ان كوريا بلاد الكيمتشي اهم شي نعرف اكثر عن الكيمتشي ^ـ^
المتحف عن طريقه صنعه ..تاريخه ..انواعه ..تجربه اعداد الكيمتشي وتذوق الكيمتشي ..
ماكدونالز كوري :p
منطقه نامديمون ..من اكبررر مناطق التسووق بسيوول حوالي ٣٠٠٠ محل فيه..
قبل الدخول للشارع لاحظو اللافته المكتوبه "موسم تنزيلات"
السناك بالشارع ..وطبعا انصحكم بقووه تجربة السناك الكوري اثناء التسوق ..متعه
فطيره البيض .. الذ شي ذقته ^ـ^
ايس كريم كوري فانيلا .. بالبرد بس قلت لازم اجربه ..دايما اشوفهم يحبونه خخخخ
منطقه ايتوان وزياره الجامع
مجمع هيونداي
والى المطار للعوده !ـــــــــــ!
الرحله بالليل كانت متاخره .. طبعا اللي يحب يتسوق بمطار انشيون ..المحلات تتسكر يروح للمطار بوقت قبل الساعه ١٠ ..
المطار كبير جدا
هذا مسرح يسوون فيه عروض
on the way to kuwait !_!
please don t copy or save anything ..
if you have any question about korea ..just ask i will be happy to help and answer
thank you ^_^
